Gözlərimin işığında. şerlər

О книге

Автор книги - Vahid Çəmənli. Произведение относится к жанру стихи и поэзия. Год его публикации неизвестен. Международный стандартный книжный номер: 9785449626769.

Аннотация

Vahid Çəmənli son bir neçə ay ərzində yazdığı yeni şerlər toplusu ilə yenə də görüşünüzə gəlmişdir. Öz kitabını «Gözlərimin işığında» adlandıran müəllif, hər şerin üstündə gözlərinin nurunu qətrə – qətrə sərf etdiyinə, hər sözə, hər misraya böyük zəhmət sərf etdiyinə işarə edir.Vahid Çəmənli əmindir ki, bu şerlər kitabı oxucular tərəfindən sevinclə qarşılanacaq, sevilə – sevilə oxunacaq.

Читать онлайн Vahid Çəmənli - Gözlərimin işığında. şerlər

ISBN 978-5-4496-2676-9

Создано в интеллектуальной издательской системе Ridero

Yoxuşdan qabaq

Həyatın qaydası, nizamıdır bu,

Dərəyə enərlər yoxuşdan qabaq.

Üzə sığal çəkər cavanlıq çağı,

Parlayar Günəş tək qırışdan qabaq.

Sözə diqqət verir gül də, çiçək də,

Arı da, sərçə də, qara böcək də…

Sevgi yuva qursa gözdə, ürəkdə

Dilə can – can gələr baxışdan qabaq.

İnsan şad olarmı tənha qalanda?

Kədərə bürünər ürək də, can da…

Kim bilir nə olar göylər dolanda,

Vahid, çox gurlama yağışdan qabaq.

18.11.2018

İqdır. Balıq gölü 22 iyun 2014

Zaman İçİndə

Sovurdum yellərə neçə baharı,

Bahar axtarıram xəzan içində.

Günlərim dəli tək qovhaqovdadı,

Ayım da, ilim də duman içində.

Aldım sorağını özgə diyardan,

Axırda əlimi üzdüm o yardan…

Elə düz ilqardan, düz etibardan,

Rəbbim hifz eləsin zaman içində.

Söndürdü sinəmdə alovu, odu,

Ayaq izlərini yağışlar yudu…

Vahidin taleyi, qisməti budu,

Ağlayır bir dərdli kaman içində.

18.11.2018

allah, bu necə sevgİdİr?

Allah, bu necə sevgidir,

Lap dağı daşı yandırır.

Çaxır göydə şimşək kimi,

Şaxtalı qışı yandırır.

Sevdam təzə dəbə minib,

İçimə yüz istək sinib…

Ciyər çoxdan yanıb, sönüb,

İndi də başı yandırır.

Vahid, demə solmaz solar,

Ürəyinə atəş dolar…

Sevən ürək belə olar,

Ağılı, huşu yandırır.

18.11.2018

Əli müəllimə həsr olunur

Alınmaz qala kimi əzəmətli, başı qarlı dağlar kimi əlçatmaz, etibarı və qayğısı tükənməz, əvəzsiz olan Ağsaqqalım, böyük qardaşım Əli müəllimə – 60 yaşı münasibətilə

Könülləri fəth edirsən səbirlə,

Səhvimizi əfv edirsən səbirlə,

Dərdi – qəmi məhv edirsən təmkinlə,

İradənlə hasil olur hər dilək.

Əli müəllim, altmış yaşın mübarək!

Alnı açıq gedirsən öz yolunla,

Şərəfinlə, şöhrətinlə, şanınla,

El – obamız fəxr eyləyir adınla,

Harda olsan, orda açır gül – çiçək.

Uğur olsun, bu xoş günün mübarək!

Ta əzəldən hamımıza gərəksən,

Sən əzizsən,