Хомурахха хоммут хоһооннор

О книге

Автор книги - Елена Филатова. Произведение относится к жанрам современная русская литература, стихи и поэзия. Год его публикации неизвестен. Международный стандартный книжный номер: 978-5-7696-6855-5.

Аннотация

Ааптар номоҕон хоһоонноругар Ийэ дойдутугар, төрөөбүт сиригэр-уотугар тапталын хоһуйар, бу олоххо киһи буолан үөскээбит аналын ырыҥалыыр. Бэйиэт чочуллубут тыла-өһө, сааһыламмыт санаалара ааҕааччыны умсугуталлар, кэрэҕэ, сырдыкка угуйаллар.

В выверенной поэзии автора описывается бережное отношение к жизни, к чувствам, любовь к родной земле.

Читать онлайн Елена Филатова - Хомурахха хоммут хоһооннор

«Мин, түлэй түүн ыалдьыта…»

Мин, түлэй түүн ыалдьыта,

Хомуһуннаах тыл хоноһото,

Атын эйгэ туора ырыаһыта,

Иэйии ыарыылаах дьахтара

буолабын.

Сир ийэ көстүбэт сииктэрин

Сытыы иннэлээх иистэнньэҥэ,

Үс дойду кичим кистэлэҥин

Күлүүһэ суох харабыла

буолабын.

Уулаах харахтаах одуулаабат

Инчэҕэй илиилээх туппат,

Сарымтах таҥастаах чугаһаабат

Соргулаах аартык доҕуһуолдьута

буолабын.

Сай барар салгын илгиэрдээх,

Суй гынар түргэн иэйиилээх,

Муус тыыннаах, итии сүрэхтээх,

Моһуок идэлээх суруксут

буолабын.

Муммут дууһа

Күндэлэс уоттаах түннүктэр

Көһүтэллэр дуо миигин,

Сылаас чэйдээх остуоллар

Ыҥыраллар дуо миигин?

Хараҥа кууспут далайыттан

Халты туттар буолуом дуо,

Эрэл угуйар кыымыттан

Эмэх бэйэм умайыам дуо?

Сору суорар олохпор

Соргу күнүн көрүөм дуо,

Аньыым аалар муҥуттан,

Айыым кутун тутуом дуо?

Муммут дууһам кыаһыта

Муннук чэҥэ ууллуо дуо,

Маннык ыарык кыһалҕа

Мүччү баран түһүө дуо?

«Түлэй хара түүн…»

Түлэй хара түүн

Хараҥалыын силбэнэн,

Тулам бүрэ күлүгэр

Холбоһобун кумунан.

Ый эрэ ытыһын таһынар,

Ыт эрэ улуйан хантайар,

Мин эрэ иһийэн сыһыйар

Чох хара түүнэ уһунуон…

«Саарбах санаа…»

Саарбах санаа

Сэбирдэҕэр олорсон,

Хахсаат тыал

Холоругар ытыллан,

Тыллыбыт умнастан

Туура тутуллан,

Умнуллубут ыллыкка

Умса түһэр ынырыгыан…

Кылгас санаа

Кыымыгар кыбыллан,

Күлүмнүү умайар

Көмүлүөк түөһүттэн

Кыырайа көтөн

Кытара түһээт,

Балаҕан буоругар

Умуллан хаалар ынырыгыан…

Көмүс санаа

Кынатыгар кыттыһан,

Кыаллары ыралаан,

Күөххэ тардыһан,

Көнө олоххо

Көҥүл тыынар,

Кылгаһын да иһин,

Күндүркэй ини ньии…

«Хоһоон холбоон хоҥкуйан…»

Хоһоон холбоон хоҥкуйан,

Хомоҕой тылы халбыйан,

Хараҥа иэйиини хаһыйан

Хоройо хонобун хорооммор.

Тоҕо эн, тыыппа тыл,

Тыын сирбэр уйаланан,

Тоҕо куппун хат тарбыы

Туой туолбаккын астынан?

Хоһоон

Хомурахха хоммут хоһооннор

Хабдьы буолан көппүттэр,

Сииккэ сүппүт тылларым

Сиккиэр буолан сайбыттар.

Үрэххэ сырсыбыт иэйиилэр

Үрүмэччи кыната буолбуттар,

Хатыҥҥа саспыт санаалар

Хампа күөххэ умсубуттар.

Дууһа муҥур дайыыта

Ырыа ыллаан сапсыммыт,

Кутум көмүөл күрүлгэнэ

Куйаар устун кутуллубут.

Хоһоон уохтаах атынан

Хоту Чолбону табыйбыт,

Хотой кыылга олорсон

Халлаан сиигин тарыйбыт.

Хоһоон көҥүл боотура,

Харса суоххун, хоодуоккун,

Хоһоон ураты ууһа,

Хомуһун уоххун сөҕөбүн.

«Олох долгунун быыһынан…»

Олох долгунун быыһынан

Оҥочом устан түөрэҥниир,

Оргууйдук эрдинэр кыахтарым

Оргуйар айаммар күүһүрэр.

Ыйдарар сулуһум – Чолбон,

Рекомендации для вас

Природы вдохновение. Стихотворения

Саша Сим

Читать

Время поразвлечься

Елена Рехорст

Читать

«Всё по фэн-шую»

Екатерина Забунова

Читать

Периодическая таблица удовольствий

СЕРГЕЙ ТАРАСОВ

Читать