Сафед. Маҷмӯаи шеърҳо

О книге

Автор книги - Шаҳзод Кенҷазода. Произведение относится к жанру стихи и поэзия. Год его публикации неизвестен. Международный стандартный книжный номер: 9785006283985.

Аннотация

Дар ин маҷмӯа шеърҳои шоири ҷавони самарқандӣ Шаҳзод Кенҷазода ҷамъоварӣ шудааст. Ин нахустин дафтари ашъори вай буда, дар шеърҳояш хонандагон бо мавзӯъҳои пасту баланди зиндагӣ, ишқ, инсонпарварӣ ва муаммоҳои глобалии ҷаҳон рӯ ба рӯ мешаванд.

Читать онлайн Шаҳзод Кенҷазода - Сафед. Маҷмӯаи шеърҳо

ISBN 978-5-0062-8398-5

Создано в интеллектуальной издательской системе Ridero

Ту барои ман азизӣ!

Ту барои ман тамоми дилу ҷонӣ,

ки нафасҳои ман аз будани он мехезад,

Ва забонам, ки фақат номи туро медонад,

Ва ду чашмам, ки туро мебинад,

Ва лабонам, ки зи лабҳои ту як бӯсаи гарм

Ва танам оғӯшат

Ва ду дастам, ки ба зулфи ту зи ночорӣ

раҳе мехоҳад,

Ту ба ман бо ҳамаи ҳастият

ва ба ин хомушию мастият

Каси даркортарини манӣ, зебои дилам!

Ту барои ман азизӣ!

Ки дигар ҳеч касе, мисли ту бар дил

натавонад нишаст,

Ва қафас роҳи дигарро ба ҳама хубу баде

рост бибаст.

Лаҳзаеро, ки ба ман бахшидӣ,

Дами зебои ҷаҳон буд барои мани девона ҳамон,

Ту зи ман дур мабош,

Ту фақат бо ман мон!

Ту барои ман азизӣ!

Чӣ бигӯям,

Чӣ нагӯям…

Чӣ ки мегӯиву гуфтиву шунудам,

ҳамааш дар ёдам

Ту ки ҳастӣ мани зиндонӣ ҳаме озодам…

Ростӣ

ман зи ҳаётам

Бо ту бошам

шодам!…

«Дар мавҷи зиндагист, саропо вуҷуди мо…»

Дар мавҷи зиндагист, саропо вуҷуди мо,

Фарқе надорад бар касе, буду набуди мо.

Пас аз ғаме пайдо шавад, андӯҳи тозае,

То оташи дигар занад, бар рӯйи дуди мо.

Ҷуғрофиёи ин замин танг асту бесамар,

Дар назди ҳаҷми ғуссаҳои беҳудуди мо.

Созанда, най навозу бигӯ бар мани асир,

Оё ту дидӣ ранг, ба сақфи кабуди мо?

Аз мо набуду хостем, аз мо шавад яке,

Бо латма мерабояд онро ҳасуди мо.

Кай омадан сиёҳ буд, кай рафтан ончунон,

Оғози марги мост, рафиқам, вуруди мо.

«Ман ба дил кандани дилдор, надорам бовар…»

Ман ба дил кандани дилдор, надорам бовар,

Ва чун осон шавам инкор, надорам бовар.

Дар нигоҳаш ҳама дарде, ки аён аст маро,

Бизанад хандаи саршор, надорам бовар.

Лаҳзаҳо мегузаранду ғами ман дар қафасам,

«Хайр!» гӯяд саду як бор, надорам бовар.

Дили мо хонаи хубест, вале бе дару дом,

Ҳар кӣ ояд, накунад кор, надорам бовар.

Зиндагонӣ ба сари мо чӣ ҷафоҳо дорад?

Ба сукути сари бозор, надорам бовар.

Онкӣ мисли мани ошиқ ҳамагӣ бедор аст,

Дорад аз ман ғами бисёр? Надорам бовар.

Ҳарчӣ гуфтанду бигӯянду нагӯянд, вале

Ман ба дил кандани хуммор, надорам бовар!

«Мо наметарсем аз теғу туфанги ҳеч кас…»

Мо наметарсем аз теғу туфанги ҳеч кас,

Мо намехоҳем бедодиву ҷанги ҳеч кас.

Рекомендации для вас

Русская женщина Генри Велвилла. Сюрреалистический роман в трёх книгах. Посвящается британскому актёру Генри Кавиллу

Алина Весенняя

Читать

В родном глаголе

Юрий В. Выборнов

Читать

Книга мудрых слов

Вероника Толпекина

Читать

Чип

Владимир Ерахтин

Читать